【澳門直擊】先後與郭富城拍拖的兩代城嫂鍾麗緹和熊黛林（Lynn），前晚現身澳門新濠天地出席歌舞劇「TABOO色惑」慈善首演場，二人大方合照兼密密斟。鍾麗緹支持Lynn的分手決定，她說：「女人好正常，一定要為自己多啲去獨立，做自己鍾意嘅嘢。」她又用女人愛買鞋作比喻去安慰剛經歷情傷的Lynn，她說：「女人買鞋好難，着好多好多就會發覺邊對舒服，舊咗咪next one。」
鍾麗緹透露女兒已經15歲，問可有提供性教育？她笑說：「佢好單純，讀書緊要，30歲先啦！」被笑會否教得太遲？她說：「講笑咋，佢家有男友，但個男仔好獨立同成熟，我亦會盡力做一個好媽咪。」